O vindeiro 10 de maio de 2024, nos arredores das instalacións do Colexio Abrente, celebraremos a xa máis que tradicional Carreira Escolar do Salnés.
Este ano como novidade terá un carácter solidario a favor da Fundación Aladina que presta axuda e apoio aos nenos e nenas con cancro así coma as súas familias con obxectivo de facer a vida un pouco máis fácil durante todo o proceso desta dura enfermidade.
Os participantes deberán aportar un mínimo de 1 € no momento da inscrición (a aportación terá carácter voluntario). Os colexio participantes entregarán a recadación o día da carreira, cando se recollan os dorsais, nun sobre pechado coa cantidade aportada escrita no exterior.
O número de participantes limitarémolo a 1000, polo que terán preferencia os colexios que participan no programa Xogade en calquera das súas modalidades.
Para facer efectiva a participación deberán pedir unha clave no teléfono do colexio (986723494) e facer posteriormente a inscrición na páxina web www.carreiraescolardosalnes.com con data límite o luns 06 de maio de 2024 as 24:00 hs.
Haberá trofeos para os tres primeiros de cada categoría e medallas para todos os participantes.
O transporte será facilitado pola organización.